උපාධිධාරීන්ට රැකියා ලබාදීමේ ජාතික වැඩපිළිවෙලක් වහා සකස් කරන ලෙසට සහ දැනට රැකියා නොමැතිව සිටින උපාධිධාරීන් සියඵ දෙනා ඔවුන්ගේ සුදුසුකම් අනුව රැකියාගත කරන ලෙසට බලකරමින් කුරුණෑගල ධර්මපාල උද්යානය අසලදී අද පෙරවරුවේ අඛණ්ඩ සත්යග්රහයක් ආරම්භ කෙරිණි.
ඒකාබද්ධ රැකියා විරහිත උපාධිධාරීන්ගේ සංගමයේ මෙහෙයවීමෙන් ආරම්භ කෙරුණු මෙම සත්යග්රහය සදහා වාඩිවීමට පෙර දහසකට ආසන්න උපාධිධාරීහු පිරිසක් කුරුණෑගල නගරය වටා විරෝධතා පා ගමනක යෙදුණහ.
වගකිවයුතු බලධාරියෙකු පැමිණ තමන්ට පිළිගත හැකි විසදුමක් ලබාදෙන තෙක් තමන් මෙම සත්යග්රහය අඛණ්ඩවම පවත්වාගෙන යන බව කියන උපාධිධාරීහු මේ වන විට කුරුණෑගල ධර්මපාල උද්යානය ඉදිරිපිට තැනූ තාවකාලික අට්ටාලයක වාඩි වී සිටිති.
